Baldursbrekka 11, 640 Húsavík
55.000.000 Kr.
Einbýli
7 herb.
252 m2
55.000.000
Stofur
2
Svefnherbergi
4
Baðherbergi
2
Inngangur
Sér
Byggingaár
1974
Brunabótamat
83.930.000
Fasteignamat
52.600.000

Lögeign kynnir eignina Baldursbrekka 11, 640 Húsavík.

Baldursbrekka 11 er 252,2 m2 fimm herbergja einbýlishús á tveimur hæðum með innangengnum bílskúr. Húsið er byggt árið 1974 úr steypu og er íbúð skráð 220,2 m2 og bílskúr 32 m2. Baðherbergi er á báðum hæðum, þrjú herbergi eru á efri hæð og eitt stórt herbergi á neðri hæð. Gengið er inn i bílskúr úr þvottahúsi á neðri hæð. 


Á efri hæð er gengið inn í rúmgóða forstofu með fataskáp og úr forstofunni er gengið inn í miðrými eignarinnar þar sem hægt er að ganga inn í stofu, eldhús eða inn á herbergisgang. Stofa og eldhús er í opnu og björtu rými með stórum gluggum. Í stofu er rými fyrir bæði borðstofu og sjónvarpsstofu og er útgengi út á svalir úr stofunni. Búið er að stækka svalir og gera timburstiga niður í garð. Elshúsið hefur verið endurnýjað að hluta, og var búr tekið og settir þar búrskápar. Herbergisgangur er með þremur svefnherbergjum og baðherbergi innst á ganginum. Baðherbergi er með sturtubaðkari og innréttingu. Flísum á gólfi og hluta veggjar. Vaxborið parket er á stofu og holi, náttúrusteinn er á eldhúsi og forstofu. Límolíudúkur er á herbergisgang. Úr holi er í miðrými efri hæðar er gengið niður á jarðhæð.

Neðri hæð var áður íbúð og væri hægt að breyta aftur sé vilji fyrir því. Glerrennihurð er við inngang inn í forstofu úr garði. Rúmgott gluggalaust sjónvarpsherbergi er á hæðinni. Við inngang er stórt herbergi með stórum gluggum, en áður var eldhús í þessu rými og eru lagnir til staðar fyrir því. Baðherbergi á hæðinni var nýlega uppgert og er það flíslagt í hólf og gólf. Handklæðaofn, sturta og upphengt salerni er á baðherberginu. Þvottahús er með góðri innréttingu þar sem þvottavél og þurrkari er í góðri vinnuhæð í innréttingu. Gott skápapláss er í innréttingu, bekkur til að vinna og vaskur. Úr þvottahúsi er gengið inn í bílskúr. Úr bílskúr er svo hægt að fara inn í kalda óskráða geymslu sem er undir svölum. 

Verönd í kringum hús er vel hirt. Hellulagt er fyrir framan inngang á jarðhæð og góður grasflötur þar fyrir framan. Stigi er frá svölum og niður á hellulagða verönd. Smá brekka er niður í bílskúr og er upphitað hellulagt plan þar fyrir framan og timbur þar við hliðina sem er gangvegur út í garð. Steypt stétt og gangvegur er fyrir framan aðalinngang og bílastæði er steypt við hliðina á húsi. 

Skipt var um þakjárn fyrir um 20 árum, en þakkanntur er komin á tíma og þarfnast lagfæringar. Að utan þarf að mála hús og lagfæra sprungur eftir atvikum. 

Nánari upplýsingar veitir Hermann Aðalgeirsson í síma 865-7430 eða netfanginu [email protected]

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á

Senda fyrirspurn um eignina

Skilaboð hafa verið send.